Tin hopi hende cu cholesterol halto na Aruba

Cholesterol halto ta algo cu varios pashent na Aruba ta sufriendo di dje actualmente, na unda cu e cifranan recien ta mustra casi 15 mil persona cu tin esaki segun manager di POH/Wit Gele Kruis, Jasmira Mora a comparti cu nos. Damn!

Cholesterol halto: kico t’e causa?

Aunke e ta bisa si cu den e parti di diabetes mes e POH ta bezig ta wak mas o menos 10 mil pashent. No ta tur dokter di cas tin un POH ainda dus e cifranan probablemente no ta e realidad, dus lo ta mas abao segun Mora. Nan ta yudando 44 dokter di cas, unda tin 35 POH activo den cuido Somatico. Tin otro coleganan GGZ y hunto ta traha riba esakinan.

E bracket mas halto di persona cu diabetes na Aruba ta entre 61 aña cu 70 aña. “Esey lo mester ta normal pasobra e diabetes tipo 2 ta un ouderzomziekte.”

Pero, esaki awor ta un malesa adkiri y hopi mas hende jong ta hayando esaki. E bracket di 18 pa 40 aña, tin casi 300 pashent. “Cual ta basta alarmante.” Tin algun bao di 18 aña tambe.

Loke ta un di e causanan ta obesidad, mal comemento, falta di movecion, come porkeria riba caya, cosnan asina. “Berdad cu e sucu ta un ‘hidden addiction’ pero e no ta e sucu so.” Falta di movecion ta keda hunga un rol segun Mora.

Djis Pa Informa ta presenta pa Awemainta: E diferencia den Noticia.