Ta haciendo asina hopi calor ultimo tempo y bo ta keda scucha hende bisa cu “ainda falta mas pa bin” anto bo tin djis gana di pasa e c*** n’ey un wanta pa bisa esey. Pasobra echt, ultimo cos nos kier tende ta ‘ainda falta pa mas calor’ pasobra – duh – nos sa esey caba!
Pero hopi hende gusta tin e luho di hunga sabi y contesta co’i kens djis pa ta den combersacion.

E calor cu ta haciendo aworaki segun fuentenan manera  Caribbean Weather Center, esaki tin di haber cu el niño of ta la niña of ta ken su yiu ta responsabel. Tin hopi indicacion tambe segun expertonan cu esey lo haci tambe cu e temporada di horcan e aña aki lo ta masha activo, mas cu aña pasa. 

Djis Pa Curiosidad nos a bay rond y puntra hende kico nan ta haci pa combati e cayente aki, dus di calor, no e otro cayente pasobra esey ta ful un otro storia.