Trafico na Aruba ta cada dia birando un aventura. Awo, imagina bo e scenario aki: tin un crusada cu no tin borchi, tres auto ta yega anto nan tur ta stop. E regla ta: trafico na man drechi ta bay prome, right?
Pero tur tres auto ta keda para ta warda otro, y den e caso aki ta parce cu ningun di nan sa kico pa haci.
Un di nan ta purba di sali, anto e ta stop pa evita dal den e otro – y asina nan ta keda pa un bon rato. Te ora cu un di nan dicidi di tuma chens y trot bay pasobra el a rabia. Den e caso aki kisas un of mas di nan tabata sa e reglanan di trafico, pero mester a warda e otro bay, cu kisas no tabata tin niun idea kico pa haci.
Nos trafico: Ken ta responsabel p’e ta asina na werki awendia?
Cosnan cu ta pasa hopi. Of tambe ora cu tin un yiu di su mama cu tin masha hopi pura mes pa bay Dios sa unda, anto ta keda core bo tras pega-pega na bo bumper, cu hera si bo dal un brake e ta pega ful bo tras. E no sa e regla di trafico cu ta indica con leu bo tin cu keda for di otro auto riba caminda?
T’e rijscholen ta responsabel? Partimento di rijbewijs pa loco? E examen di rijbewijs cu no ta up-to-date? Puntra nos ta puntra, Djis Pa Curiosidad. Nos a yega di papia cu experto Thomas Ruiz riba e tema aki varios biaha, y bo por scucha esun di mas recien akinan: UNSHOW EP.9.
Di Tik Tok pa hospital: Ken ta interveni prome cu ta hopi laat?
~ October 18, 2026
Loke a cuminsa cu menasa y provocacion riba rednan social entre algun hoben, segun un mama ta conta nos, despues di algun tipo di desacuerdo…
Aruba por progresa hopi cu creatividad y arte | UNSHOW EP. 15
~ October 16, 2026
Abogado, Desiree Croes, ta un persona hopi serio, pero tambe hopi creativo. Ex parlamentario, politico, pero e ta un persona cu gusta crea. Creatividad: Un…
‘Tene cuidao den tuma cos pa baha peso sin bon guia’
~ October 14, 2026
Ultimo tempo tin un trend andando di hendenan cu ta mustra comosifuera cu algo a chupa nan seco despues di uza cosnan pa baha peso….