‘Gegeman’ ta conta su storia di e morto tragico di su baby riba su prome cumpleaño

Esaki tabata e prome biaha cu a bin cu e segmento nobo aki, Social Blok, presenta pa UNOCA, na unda ta brinda e plataforma pa nos comunidad mes bin conta nan storianan social. E invitado Gareth Rosa, conoci manera su nomber di artista ‘Gegeman’ a bin conta su storia di con el a perde su baby por medio di un accident fatal cu a sosode na 2016.

Esaki tabata un episodio cu a yega te na 9 mil persona, a ricibi mas cu 300 reaccion, comentario y shares riba Facebook. Esaki ta un entrevista cu a captura e atencion di comunidad pa motibo di con tristo e storia ta, pero na mes momento tambe con fuerte e mayornan ta pa sigui pa dilanti cu nan lucha y nunca give up, semper recordando nan angelito cu semper lo t’ey cu nan.

Scucha mas di su storia den e segmento di #SocialBlok, presenta pa Samir Angel riba episodio 0050 di Djis pa Papia.