Ora cu bo ta un bon lider, bo no tin cu ni bisa esaki, pasobra e ta refleha su mes den bo trabao y di ken abo ta. Ora cu bo tin cu lidera un compania, un organisacion, un team, ta varios cos bo ta cuminsa realisa mesora: E COS NO TA FACIL! Esey no ta e problema toch, pasobra bo tabata sa masha bon cu e lo ta asina. Sin embargo, cu e herment y conocemento adecua, cu e guia corecto, bo por casi haci milager y lidera bo organisacion hibando abo y tur hende pa dilanti exitosamente.

Hasta companianan grandi mundialmente renombra tambe ta compronde cu nan mester di guia y business coaching riba con pa sigui progresa, sigui crece, sigui evoluciona y sostene e crecemento.

Sulaika Kelly ta Director of Operations na Playa Linda Beach Resort. Den su dia diario, e ta traha cu e hendenan den departamento di Operations, cerca Front Desk, Reservations, Guest Relations, Activities, Housekeeping, Maintenance, y mas. Riba e area ey e ta envolvi hunto cu su team di managers pa loke ta e operacionnan diario di e resort. Hopi trabao!

Awor wak esaki. Aña pasa nan a haci un Coaching Session cu Jalken Antonia di Ja Ik Academy rib’e trayecto di ODC (Odin Development Compass ) – Tabata tin algun sesion one-on-one, tambe algun group sessions, y trata hopi intensivo riba kico ta nan fortalesanan y kico tambe nan por desaroya. Nan a bay e programa y realisa con bo ta haya tools pa por maneha practicamente, no djis skirbi y reconoce, pero tambe con pa implementa esaki y maneha tambe ora bo bay bek na pia di trabao na unda cu e ta keda riba abo pa uza loke bo a siña durante e coaching sessions.

Kico ta ODC? Wel, ODC ta yuda pa revela bo ‘natural drives, strengths and vulnerable strengths.’ Ta uza e herment pa ‘Organizational Transformation’ y pa yuda haya sa con cada empleado, zzp’er, team, y departamento completo por traha cu nan forsanan natural pa asina ta mas efectivo y productivo pa bo mes, pa bo team of bo organisacion.

E ta yuda tambe den midi henter un organisacion pa revela cuater diferente cultura cu un compania ta consisti di dje. Hopi interesante! 

“El a yuda mi hopi mes den mi trayectoria vooral den e parti di leadership, con pa deal cu diferente personalidad, y tambe pa identifica e forsa den cada un, y asina por traha mas miho tambe den team haciendo uzo di e forsanan aki na momento cu tin proyectonan,” Sulaika Kelly.

Pa mas informacion, bishita: https://businesscoach.consulting/
Sigui nan riba Facebook y Instagram riba JA IK ACADEMY.