Stichting JA IK Aruba recientemente ta hopi bon bezig cu un tremendo projecto unda cu ta duna e oportunidad na muchanan, hobennan den nos comunidad pa bishita diferente compania y siña mas tocante etica laboral, responsabilidad, y hopi mas.

Recientemente un grupo di hoben di Scol Practico pa Ofishi Sta. Cruz a bishita e compania BSL Laundry na San Nicolas pa asina siña conoce kico nan ta haci, un poco di e historia di e compania y varios punto importante. Nan a haya un chens pa traha un poco tambe cu e team anto haya un ‘taste’ chikito di con e por ta trahando n’e compania aki.

Pa mas informacion riba Stichting JA IK Aruba y su programanan, por libremente email na info@jaikaruba.com, bishita nan website jaikaruba.com, of Whatsapp/Yama na 699 2242.