Kico tur ta importante pa traha un bon pelicula?

Bon Trabao ta un short film cu a wordo produci por medio di Djis Pa Hari Media Verse, den un colaboracion entre Bad Publicity Entertainment, Chahmi Films Studio & Creator Entertainment.
E short film aki ta basa riba e personahe ‘Pancho’, conoci como un di Djis Pa Hari su personahenan di mas popular, cual ta un homber di edad grandi cu ta hopi patriotico y no ta tur ora tin cos bunita pa bisa, pero semper cu su humor poco ‘pica’ pero na su luga.

E storia di Bon Trabao ta un storia fictisio di e personahe Pancho, bayendo den su pasado como un trahado na Lago, net rond di e temporada cu nan mester a cera nan porta. E storia ta relata un poco e historia di Aruba, su cultura, desaroyo y sigur su sentido di humor unico.

E team ta splica cu pa traha un pelicula, sea corto metrahe of largo metrahe, no ta un trabao facil. Locual ta esencial ta pa tin un bon storia, un bon team y colaboracion cu otro, anto e confiansa den e proceso.

Scucha un poco mas den e Behind The Making di Bon Trabao.