Temporada di campamento na Aruba e aña aki sigur a conoce e bon ambiente di semper. Famianan, amistadnan, bisiñanan, hasta esnan cu odia otro ta bini hunto un rato pa pasa fin di siman di Pasco Grandi banda di lama. Sin embargo, aparentemente tin hopi mas ta sosode durante Campamento di loke nos por a imagina.

Djis Pa Curiosidad, nos a bay puntra algun hende rond cierto areanan di campamento manera Bushiri y Eagle Beach, pa kico nan ta campa? Un di e campadonan a bisa nos cu e ta campa pasobra cu e ta Rubiano – masha simpel. Despues el a bati alarma y manda un mensahe na varios campado, pa nan bay baha di peso pasobra nan ta confundi tur e driekielnan.

Otronan ta bisa nos cu nan ta campa pasobra nan ta sigui e tradicion cu nan a siña for di nan mayornan. Varios ta kies pa tuma e oportunidad aki pa pasa tempo cu famia, come hunto, haci diferente actividad y hopi mas.

Pero tin otronan, damas y cabayero, cu ta bay Campa cu hopi otro tipo di intencion. Nan t’ey pa bay coi bo muhe. Dus watch out.

Laga e pueblo campado mes conta bo pa kico nan ta campa den e video cu nos a produci, Djis Pa Curiosidad.