Hopi ta gusta habri nan boca ora wak un hoben bay den mal caminda. Ta lihe pa critica mayornan, comunidad, culpa Mike Eman of Tanchi Evelyn, anto delaster zeurmento ora ta mira hoben bayendo den mal caminda. Ta poco nos ta mira e momentonan cu ta elogia e hoben ora ta logra algo. Den e caso aki, awe nos ta para keto riba un di e momentonan aki.

Aki nos ta papia di cos positivo pa nos hobennan, un programa traha pa Heart-Centered Leadership Foundation cu e meta pa yuda nos hobennan desaroya y cultiva diferente abilidad cu lo yuda nan den bida.  Directora di e fundacion ta conta nos cu nan ta trahando desde 1996 cu Educare Foundation cual a introduci e Ace Program. Den e raportahe visual ariba bo por mira e cobertura cu nos a haci na EPI despues cu a finalisa e programa, anto a bini hunto cu famianan di e participantenan pa un Family Evening.

Heart-Centered Leadership Foundation a lanta cu e meta principal aki pa brinda nos hoben cu e tipo di programanan aki. Bale la pena, noh? Cu tin hende riba e mundo aki cu ta worry cu nos hobennan y no ta djis papia, pero ta actua tambe! E hobennan ta pasa den un trayectorio bastante intenso pero tog leuk unda nan ta siña entre otro self-confidence, sorry cu nos tin cu skirbi esey na ingles spera b’a compronde, siña con pa traha den grupo y sali for di nan zona comfortabel, of wel ‘comfort zone’ anto bay pa nan metanan. Awesome job guys!

Nos lo semper t’ey pa sostene y apoya bosnan, sigui cu e bon trabao!

ACE program was made possible through partial funding of UNESCO Aruba.