E musica di Jazz ta algo cu varios di nos Rubianonan no ta worry mucho cu ne pasobra nan lo prefera un fiesta di bailebel of Karol G. Pero toch tin un publico bastante grandi cu si ta aprecia e musica aki y su conexion cu nos den Caribe. Jazz ta un tipo di musica cu tin hopi elemento di improvisacion, elemento di harmonia cromatico, pero tambe nos musica na Aruba y region tin hopi elemento di ritmo complica, melodianan interesante y mas segun musico Carlos Bislip. Tin hopi link cu Jazz y musica tropical den Caribe segun Bislip.

Carlos Bislip Jazz Expo 2024, Jazz Appreciation Month Celebration di International Jazz Day lo tuma luga 30 di april na Kulture Cafe, San Nicolas cumisando pa 7pm. E presentacionnan lo consisti di Caribbean Combo, Timothy Naddall Quartet, Jazz Vocals, Richard Holmond Group, Carlos Bislip Tipico Jazz, hunto cu dos guest internacional Freddie Franken y Chase Baird.

Check nos entrevista cu Carlos Bislip y Richard Holmond riba e tremendo evento aki y kico por spera!