Kisas bo conoce Jalken Antonia of a yega di scucha di dje via e trabaonan cu e ta haci cu Stichting JA IK Aruba unda cu e ta yuda hobennan cu no a caba scol pa haya un trabao, y guia nan den loke ta liderazgo y etica laboral pa prepara nan pa un miho futuro. Sin embargo, Jalken tin hopi mas cu e ta ocupa su mes cu ne, cual ta su ‘core business’ y esey ta yuda profesionalnan y companianan hisa nan nivel di productividad y tambe den loke ta sigur hopi importante, bo profit!

Franz Sydow ta Assistant Managing Director na Botica di Servicio. Den su funcion, e ta hopi importante pa tin un nivel di liderazgo anto asina bo por maneha diferente team den diferente aspecto di un compania. Bo ta haya aki bo logistics, marketing, finance, accounting, y day-to-day operations.

Un dia normal pa Franz ta diferencia hopi pasobra e ta e man drechi di e CEO di e compania y di e companianan cu nan ta maneha. “Tin biaha bo ta cuminsa un dia haciendo cosnan di marketing, bo tin meeting, despues bo tin cierto deliverables cu bo tin cu haci, despues bo tin mas meetings. Pero tin dianan cu simplemente tin hopi trabao cu bo tin cu haci pasobra bo tin cu crea proyectonan of traha riba cierto cosnan cu bo tin cu hinca hopi oranan di trabao den dje,” Franz ta bisa.

E hoben profesional a progresa hopi despues di su coaching cu JA IK Academy. Franz a haci e coaching na zomer di 2021 cual e ta considera como un trampolin p’e. “Despues di su coaching mi a cuminsa un trayectoria unda cu un paar di luna despues mi a cuminsa mi MBA, cu mi a logra termina na 2023.” Fuera di esey, den e fondo cu a traha p’e na e compania, nan a logra adkeri varios compania, y banda di esey e responsabilidadnan tambe a crece. Via e coaching sessions, Franz a logra conoce su mes miho y tipo di lider cu e mes ta.

TA INVITA TUR PROFESIONAL

Franz ta recomenda y conseha tur profesional – no ta importa riba ki nivel bo ta sea bo ta un CEO of un cumisando recien bo bida profesional, e ta invita nan pa tuma un intake-gesprek cu Jalken pa asina haya sa un tiki mas miho con esaki ta hinca den otro. Na final di dia ora bo conoce bo mes miho esey ta haci cu bo por logra bo metanan hopi mas facil. “Mi ta desea mi por a haci esaki prome ora cu mi a cuminsa traha, cual tabata na 2018.” Pero Franz ta laga sa cu ‘good things come to those who wait’ y e ta hopi contento di por a traha cu Jalken Antonia y pa por tin e den su circulo.

Pa mas informacion tocante JA IK Academy, bishita nan website riba https://businesscoach.consulting/