Stichting JA IK Aruba tin por lo menos un poco mas cu un aña cu a lansa e proyecto IN THE PICTURE, cual ta crea un oportunidadnan na hobennan y hoben adulto cu no a caba scol y mester un trabao forma parti di un programa cu lo guia nan den nan liderazgo personal y profesional. E programa a bay hopi bon.

Henter e aña un grupo di hoben a haya e chens pa bishita diferente negoshi rond di nos isla cu a habri porta pa nan wak un poco con nan ta opera, siña etica laboral y haci pregunta riba diferente asunto relaciona cu liderazgo personal y crecemento profesional. Zuiver toch!

E bishita recien aki tabata na TEMPO, kende nan meta ta pa link un persona of candidato potencial na un trabao, por ehempel un persona cu ta buscando trabao nobo of ta desea cambio di trabao por bay TEMPO pa asistencia cu e clientenan bao di nan. E grupo a haya un mini presentacion loke e manager ta haci, e diferente actividadnan cu nan ta haci na TEMPO y poco historia tambe.

E hobennan sigur a haya esaki interesante, haciendo pregunta, tumando nota, y saboriando un dushi treat di Subway.

OTRO OPORTUNIDAD DEN AUGUSTUS 2024

Pa esnan interesa den e programa aki, Stichting JA IK Aruba ta informa cu nan tin un otro oportunidad biniendo den luna di augustus venidero. Dus si bo ta interesa den join algo asina y kier haya sa mas informacion – btw e ta gratis – bo por tuma contacto cu Stichting JA IK Aruba riba 699 2242 of email nan riba jalken@jaikacademy.com