Den entrevista cu Riecardi Irausquin y Erwin Dijkhoff di Team ID, nos a combersa riba con nan experiencia tabata ta tumando e programa di coaching y consultacion for di JA IK Academy.

Team ID ta un Real Estate broker consistiendo di un team di hende hoben y hopi dinamico cu ta bende, cumpra of rent cu nan oficina situa na Palm Beach Plaza Mall. Fuera di haci esaki, e Riecardi cu Erwin tambe tin nan propio programa di radio y ta bon bezig den media cu conscientisacion y educacion riba loke nan ta bezig cu ne diariamente.

Erwin ta conta nos cu e programa di JA IK Academy ta tremendo, manera bo haci un intake bo ta haya sa bo ‘natural strengths’ dus bo forsanan natural, kico ta bo abilidadnan fuerte cu ta bin natural y tambe kico ta e cosnan cu bo ta debil aden. Cu esaki bo por haya training pa desaroya bo partinan fuerte pa asina impacta bo parti den e organisacion haciendo e mas efectivo y tambe den bo bida profesional generalmente.

E ta un programa cu for di e intake te cu na e momento cu a finalisa, stap pa stap, ta yuda bo hopi segun Riecardi. “E ta haci bo consciente riba cosnan cu bo no ta consciente di dje.” E programa ta duna bo puntonan cu bo por mehora pa bo mes tambe y esaki ta haci pa medio di hermentnan specialisa cu ta midi bo potencial, algo sigur hopi mas unico na Aruba. Awendia mas y mas compania ta haci falta di un bon guia, cual ta hopi mas leu cu simplemente un ‘business coach’ pero ta mas bien midi bo ful potencial y yuda bo yega na esaki den varios diferente forma.

“E ta un tremendo oportunidad pa desaroya bo mes personalmente y profesionalmente.” Pa mas informacion, tuma contacto cu JA IK Academy y haci bo intake. Bishita nan website riba https://businesscoach.consulting.