Estudionan ta mustra cu riba averahe hende no ta uza entre 40% pa 60% di nan talento completo. Pa determina un punto di salida p’e necesidadnan di desaroyo personal, Stichting JA IK Aruba a bay den un acuerdo cu JA IK Academy y brinda nos hobennan entrepreneur un oportunidad unico e aña aki

JA IK Academy ta uza un ‘Online Development Compass (ODC) cu ta renombra na Hulanda como tambe internacionalmente den e ramo di instrumento digital. Esaki ta un instrumento pa midi y determina un persona su potencial completo, forsanan natural, como tambe impulsonan inconsciente. Dani na e herment aki di ODC, bo por haya un bon bista riba kico ta bo forsanan y talentonan cu no ta wordo uza.

E meta ta pa yuda participantenan realisa nan full potencial, kico nan motivacion personal ta, hunto cu nan abilidadnan asocia na nan. Den otro palabra, haciendo nan forsanan visibel pero tambe kico ta nan partinan vunerabel. Nos no por pone un baca blaf manera un cacho. E partinan vunerabel ta mustra comportacion cu no ta efectivo ora e persona ta bao presion. Pa medio di e midimento, bo por mira lo siguiente:

• Bo forsa natural
• Bo potencial di desaroyo
• Bo abilidadnan
• Cua abilidad ta combina cu bo forsanan natural
• Nos ta identifica cua motivacion ta funciona miho pa bo forsa natural y talento, cual ta duna bo energia
• Nos ta identifica cua motivacion no ta funciona naturalmente cu bo y cual ta costa bo energia durante trabao

Conocemento di bo ful potencial ta yuda bo den bo bida profesional pero tambe den bo bida priva. Bo lo haya un bista den kico bo ta bon den dje y kico bo tin talento p’e. E ful potencial ta yuda tur hende determina kico ta e retonan cu nan ta enfrenta den logra nan metanan personal. E motibo pa kico hopi hoben adulto y profesionalnan ta keda pega ta pasobra nan no sa con pa uza nan liderazgo personal efectivamente. Si nan compronde nan propio profile,nan lo por manera nan forsanan natural mas miho y nan partinan vunerabel.

PROGRAMA

Prome cu e evento tuma luga, tur participante ta prepara pa e Career Event.
E programa pa diasabra 22 y 29 di juni ta lo siguiente:

08:45 – 09:00 Walk-in
09:00 – 09:15 Kick-off event
09:15 – 10:00 Explanation 8 Archetypes 
10:00 – 11:00 Panel discussion (3 – 4 professionals)
11:00 – 11:15 Break
11:15 – 12:00 Case study
12:00 – 12:30 Presentations elaboration of Case study
12:30 – 12:50 Feedback Presentation from Renaissance Wind Creek Human Resources 
12:50 – 13:00 Wrap-up and End

E evento ta cuminsa cu un splicacion riba e 8 Archetypes cu nos ta traha cu ne. Esaki lo sigui pa un panel discussion di 3 of 4 profesionalnan cu ta comparti nan experiencianan riba conscientemente uzando bo ful potencial. E participantenan lo ta dividi den cuater grupo y lo desaroya y presenta un ‘case study’ basa riba loke ta nan impulsonan y abilidadnan asocia. Den e aspecto aki for di nos diferente disciplinanan cultural cu JA IK Academy ta uza ora di midi un cultura of organisacion, entre otro:

(1) Positional Culture – Leading = Esaki ta e profesionalnan cu tin vision y liderazgo manera nan forsanan natural.
(2) Control Culture – Stability = Esaki ta profesionalnan cu tin analisis y realismo como nan forsanan natural.
(3) Tribal Culture – Safe = E grupo aki ta bao esnan cu tin strategia y hende como nan forsanan natural.
(4) Co-creation Culture – Renewal = Esaki ta e profesionalnan cu tin proceso y contacto como nan forsanan natural.

PA REGISTRA

Tin 25 luga disponibel, pa profesionalnan hoben entre 25 pa 35 aña di edad. E suma pa 1 dia ta solamente AWG. 75, y esaki lo tuma luga na Renaissance Wind Creek riba 22 di juni y 29 di juni, 9’or di mainta pa 1’or di atardi. Tuma contacto cu Stichting JA IK Aruba riba 699 2242, of info@jaikaruba.com.

​