E aña aki Wind Creek Aruba t’ey bek cu nan famoso Long Table Event su di seis edicion, un evento cu e meta pa conecta cu comunidad y sostene organisacionnan local na un manera cu realmente ta trece beneficio p’e pueblo di Aruba. Tin un proceso di votacion manera conoci cual ta un parti crucial di e mision di Long Table Aruba, na unda cu e aña aki a selecta 10 organisacion activo den comunidad. Cada un mester a traha un video cu e oportunidad pa por gana sosten financiero.

Pa 2024 e seleccion ta enfoca riba yudansa na nos grandinan, sosten na nos hobennan cu ta enfrenta circumstancianan desafiante, cu e enfasis pa renoba e bienestar den nos comunidad.

Stichting Hunto Inloophuis ta participando, y hunto cu DJIS PA HARI a crea un tremendo video unda ta mustra kico tur mester p’e organisacion drecha si mester gana e placa aki.

Con pa vota? Hopi facil. Simplemente bay riba e link aki: http://wshe.es/NZo3aSvH y bo por haci bo voto pa Stichting Hunto Inloophuis y asina sostene nan esfuerso pa sigui combati e area di adiccion y cuido adecua di salud mental den nos comunidad. Ban p’e!