E pelicula ‘No Mishi’ a lastra bay cu casi tur premio incluyendo Best Film den loke tabata e edicion 2026 di 48HRS Film Project Aruba despues di un competencia intenso unda diferente ekipo di cineasta local a haya e reto pa produci un pelicula cortico den solamente 48 ora.
Na 2019 tabata ultimo biaha cu esaki a keda organisa na Aruba, despues a bin pandemia y te aworaki a logra introduci esaki bek na nos isla. CINEARUBA semper a bin ta kere duro den e potencial di cine riba nos isla, y pa sigui desaroya cu esaki. Dus awor tin pensa pa continua den organisa e festival aki anualmente pa duna nos localnan mas oportunidad pa experiencia algo unico riba nos isla cu ta hopi creativo y positivo.
Durante e ceremonia di premiacion, e ekipo tras di ‘No Mishi’ a ricibi e noticia cu nan pelicula a sali como ganador absoluto, provocando un celebracion grandi entre e miembronan di e produccion. Bon mereci, pasobra e film, genero di Horror, a keda sublime, hopi bon traha pa algo cu mester a haci den solamente 48 ora pa loke tabata e 48HRS Film Project Aruba.

48HRS Film Project: creatividad, presion y trabou duro
Segun e ekipo ganador di e 48HRS Film Project Aruba, e proceso tabata uno yen di tension, poco soño y hopi trabou. For di desaroyo di e storia te na filmacion y edicion, tur cos mester a keda cla den e tempo limita. Bo ta haya e elementonan pa traha cu ne, por ehempel e nomber di persona, un frase cu mester wordo bisa, anto un prop cu mester uza, hunto cu e genero cu bo mester traha.
E 48HRS Film Project Aruba sigur a bay hopi bon, motivando hopi local pa sigui desaroya nan mes den mundo di cine.
E ekipo a logra entrega nan pelicula solamente 10 minuut prome cu e deadline, demostrando e dedicacion y perseverancia necesario pa completa e reto.
‘No Mishi’ lo representa Aruba na Corsou
Cu e victoria aki, ‘No Mishi’ lo haya e oportunidad di representa Aruba na Filmapalooza na Corsou, un festival internacional cu ta reuni produccionnan di diferente pais y ciudad cu ta participa den 48 Hour Film Project.

E organisadornan a enfatisa cu e competencia no ta solamente pa gana premio, pero tambe pa stimula creatividad, desaroya talento local y motiva mas hende pa drenta mundo di filmmaking.
Segun director di e film ganado, Ken Wolff, e mensahe pa cineastanan cu ta cuminsa ta cla: no warda pa tur cos ta perfecto. Cuminsa crea, sigui purba y no entrega.
Djis Pa Informa ta presenta pa Awemainta: E diferencia den Noticia.

Segun SVOA: ‘Tin cu cambia manera di duna les y bay mas digital’
~ April 27, 2026
Siman cu a pasa Colegio Arubiano a organisa un tremendo evento ‘Inspiratie Dag’ unda cu e docentenan di scol por a sinta hunto y reflexiona…
Cos a cambia: EPB awor no ta un scol ‘problematico’ mas
~ April 22, 2026
EPB ta un scol cu tabata conoci pa problema, cu casonan di bringamento casi tur siman. Sinembargo, esaki a cuminsa cambia y bira algo pa…
Fonds BJP ta aporta na hisa nivel di periodismo den Caribe
~ April 21, 2026
Fonds BJP: Fonds Bijzondere Journalistieke Projecten, ta un fondo di periodismo Hulandes funda na 1990. Nan a bini cu un subsidio special p’e islanan Caribense…