EPB ta un scol cu tabata conoci pa problema, cu casonan di bringamento casi tur siman. Sinembargo, esaki a cuminsa cambia y bira algo pa pasado.
Cifranan ta indica [di loke nos a haya for di fuentenan] cu alomenos 200 alumno di MAVO ta bay EPB tur aña – cual ta algo cu nos lo bay raporta riba dje mas amplio den otro ocasion. Pero, esaki ta interesante pasobra ta parce cu hopi mayor no kier inscribi nan yiu directamente na EPB, nan ta manda nan bay MAVO y toch despues di dos aña varios di e studiantenan ey ta yega EPB.
Pa kico no ta yega inscribi nan direct na EPB na prome instante? Paso e scol ainda tin mal fama? Ken sa.
Un docente n’e scol a conta nos cu den su caso, el a studia na MAVO, el a caba su scol, pero ta sinti el a perde hopi tempo studiando den un area cu no tabata ful fit p’e y loke e tabata kier, of por haci, siendo un persona mas practico cu su man.
EPB Oranjestad lo tin openavond otro siman
Canando den e scol durante un corto bishita nos mes a ripara con rustig y leuk toch e scol aki ta. E docentenan ta bisa cu cos no ta mescos cu antes, y tin mas oportunidad p’e mucha siñany crece.
Pa esnan cu lo kier conoce e scol y sa un poco mas detaye, nan ta bay tin un openavond diaranson 29 di april.
Djis Pa Informa ta presenta pa AweMainta: E diferencia den Noticia.
Tin un desaroyo na Pos Chikito cu ta hopi cuestionabel | UNSHOW EP. 12
~ July 10, 2026
Ki caraho ta pasando na Pos Chikito? Tin algo pasando eybanda y tur hende ta keto — ta papia aki di menasa na paisahe, comunidad…
Caso di mucha cu no por regula emocion ta birando mas compleho
~ July 8, 2026
Mucha y hoben cu no por regula emocion: esaki por ta un motibo grandi pa kico tin diferente caso andando ultimo tempo? Den nos buskeda…
131 Aruba: Mester educa nos muchanan tocante inteligencia emocional
~ April 6, 2026
Mientras tin tanto desaroyo den inteligencia artificial – tin organisacionnan, institutonan y expertonan batiendo alarma cu nos mester enfoca riba mehoracion den otro areanan di…