Gobierno a anuncia algun paso cu a tuma den yuda compensa costo di bida

No ta tur ora bo lo haya nos na un tipo di conferencia manera esaki pasobra practicamente nos NO ta un medio di comunicacion di noticia di e tipo aki, pero nos a bay e conferencia aki toch un rato pasobra ta haya cu ta importante loke a keda comparti. Pero tambe sigur pasobra nos tabata kier a haci algun otro pregunta, di cual bo lo mira e material ta keda publica den e proximo diananan aki riba djispahari.com.

Gobierno di Aruba ta anuncia: diferente inversion haci pa yuda compensa costo di bida halto

Ta papia aki di aumento di pensioen AOV unda awo un persona soltero ta haya 500 florin pa luna, y pareha casa ta haya 900 florin. A papia tambe tocante reduccion di prima AZV pa pensionado cual a baha di 5% pa 0%. Pa famianan vunerabel, tin aumento den bijstand basico di 450 florin pa 600 florin pa luna, un aumento dus di 33%.

Gobierno tambe a papia tocante aumento den schoolkindertoeslag, 250 florin pa cada mucha – ademas apoyo adicional manera material escolar y pago di schoolgeld tambe.

Otro tema cu a trata tabata mehoracion den rechtspositie di maestro, cu aumento den reparatietoeslag pa hendenan cu salario minimo tambe di 125 florin pa 225 florin pa luna, beneficio anual te cu 2.700 florin.

Banda di esaki, gobierno a toca e tema di cuido medico y combustible, unda a restablece cobertura di AZV pa remedi, y tambe a absorba aumento den costo di combustibel. Pa personanan cu limitacion, tambe a ricibi aumento di beneficio di 1.080 florin pa 1180 florin pa luna.

Djis Pa Informa ta presenta pa AweMainta: E diferencia den Noticia.