Segun parlamentario di fraccion di MEP, Xiomara Maduro, nos comunidad ta haya falta di mas informacion. Nos a topa cu e parlamentario durante celebracion di Stichting Monumentsfund Aruba su 30 aniversario diabierna anochi siman pasa na Community Church, y aki nos a probecha di haci algun pregunta chikito pa Xiomara Maduro, kende semper tabata un ‘bon sport’ cu nos – cual nos ta aprecia masha.
Segun Xiomara Maduro: Gobierno NO ta informa pueblo manera mester
“Decisionnan importante ta wordo tuma, y mi tin e sentimento cu hopi hende no ta informa.” E parlamentario a enfatisa cu mas cu tur cos, e mes tabata un mandatario dus e sa bon e importancia di por brinda informacion na bo pueblo specialmente ora tin cosnan importante ta sosode.
“Abo como mandatario tin un tarea hopi grandi di duna informacion – esey ta loke mi ta haya ta falta aworakinan.” Parlamentario tin su rol den duna informacion, pero un mandatario tin un obligacion y responsabilidad cu pueblo. Anto di loke nos ta compronde for di Maduro, e gobernacion aki ta fayando den esaki – no ta informa pueblo debidamente riba decisionnan importante tumando luga.
Djis Pa Informa ta presenta pa AweMainta: E diferencia den Noticia.
Tin un desaroyo na Pos Chikito cu ta hopi cuestionabel | UNSHOW EP. 12
~ July 10, 2026
Ki caraho ta pasando na Pos Chikito? Tin algo pasando eybanda y tur hende ta keto — ta papia aki di menasa na paisahe, comunidad…
Caso di mucha cu no por regula emocion ta birando mas compleho
~ July 8, 2026
Mucha y hoben cu no por regula emocion: esaki por ta un motibo grandi pa kico tin diferente caso andando ultimo tempo? Den nos buskeda…
131 Aruba: Mester educa nos muchanan tocante inteligencia emocional
~ April 6, 2026
Mientras tin tanto desaroyo den inteligencia artificial – tin organisacionnan, institutonan y expertonan batiendo alarma cu nos mester enfoca riba mehoracion den otro areanan di…