Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Pa kico trafico na Aruba cada dia ta birando mas peligroso
~ June 3, 2026
Trafico na Aruba ta birando NA WERKI Esaki ta algo di basta tempo caba si, nada nobo. Sinembargo awendia nos tin hopi mas auto riba…
A documentary about studying in The Netherlands: ‘Leaving your Nest’
~ November 17, 2025
Directed by Semi Chahmi and written/produced by Ephrayim Odor, this short documentary offers an intimate and powerful look into the emotional, financial, and cultural challenges
‘Maneho di tereno pa agricultura na Aruba no ta bon defini’
~ July 21, 2026
Ora ta trata maneho di tereno na Aruba – e ta practicamente un joke, sea ta pa tereno comercial of pa vivienda sigur. Tin ta…