Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Xiomara Maduro: Comunidad ta haci falta di mas informacion
~ June 10, 2026
Segun parlamentario di fraccion di MEP, Xiomara Maduro, nos comunidad ta haya falta di mas informacion. Nos a topa cu e parlamentario durante celebracion di…
‘Database Cultural’ lo defini plan nacional di cultura pa Aruba di awor bay dilanti
~ June 3, 2026
Kico t’un Database Cultural? Wel esaki ta exactamente loke bo ta kere e ta, dus informacion riba tur aspecto di nos sector cultural. Pasobra data…
Tin hopi hoben cu problema den regula emocion na scol
~ May 30, 2026
Mirando tur loke ta pasando ultimo tempo na Aruba: un hoben di 18 aña ta mata y chop su tanta pida pida hinc’e den freezer,…