Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Studia na Hulanda: E realidad cu niun hende ta conta bo | EP. 18
~ November 9, 2026
Studia na Hulanda ta un soño pa hopi hoben di Caribe. Pero, kico ta pasa ora e soño bira un realidad cu bo no tabata…
hulanda no ta bo unico opcion pa bay studia EP. 17
~ November 3, 2026
Ken a bisa cu pa sigui studia bo mester bay Hulanda? Aruba College Fair 2026 ta habri porta pa descubri oportunidadnan di studia na Aruba,…
Con nos kier muri na Aruba? | Episodio 01
~ November 3, 2026
con nos kier muri na Aruba? Esaki ta un investigacion haci pa medio di periodista Sharina Henriquez, cu sosten di Fonds Bijzondere Journalistieke Projecten, den…