Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Motivacion na tur hoben: ‘Voices of Tourism’ cu invitado special Trent Shelton
~ August 29, 2025
Motivacion pa hobennan na Aruba: Voices of Tourism 2024 Aruba Tourism Authority (A.T.A.) un bes mas a organisa ‘Voices Of Tourism’ cual ta un tremendo…
Unveiling Paardenbaai: Aruba’s hidden Dutch colonial influence
~ August 6, 2025
Aruba has been a part of the Dutch kingdom since 1636 when the Dutch wrested control of these territories from the Spanish towards the end…
Homeless problem in Aruba, or was it just Camping?
~ August 6, 2025
A lovely guest approached yours truly and asked, does Aruba have a homeless problem? Why are there so many tents on the beach? Well, ladies and…