Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Les na Ingles ta duna hoben local hopi interes pa siña na EduCampus
~ September 10, 2026
Recientemente EduCampus Aruba tabata tin un bunita evento cu a consisti di diferente actividad y tayer pa un periodo di dos siman cual ta brinda…
Traficacion humano: internet t’un facilitado grandi awendia
~ September 6, 2026
Traficacion Humano ta tuma diferente forma. Esaki segun consultant, trainer y researcher na Pronad Cariben Consultancy, Angela Persad, kende por cierto tabata tin un seminario…
Tour Operators Uni: Preocupacion pa territorionan cu lo cera pa tur vehiculo di motor
~ August 31, 2026
Tour Operators na Aruba ta preocupa: tin un caso andando cu por perhudica e futuro di loke ta e actividad turistico aki pabao di nos…