‘Aruba a bira victima di su mesun exito’

Aruba a crece hopi. Nos a kisas te hasta desaroya te dimas tambe – y esey ta sigur bisto a pesar cu kisas no tur hende ta comparti e mesun opinion aki. Otronan kisas ta pensa cu nos isla falta mas pa desaroya ainda, pero den otro areanan.

Aruba Tourism Authority (ATA) a organisa un encuentro cu prensa dialuna 24 di augustus na Merêre Restaurant den Elleboogstraat cual tabata un celebracion special den conexion cu dia di prensa.

Danki p’e invitacion btw, e desayuno a baha basta bon.

Pa Aruba: ‘Un crecemento modera ta na su luga’

Nos tabata poco mas interesa den puntra CEO di ATA tocante nos bishitante Argentinonan, entre otro.
E motibo ta pasobra nos a bin ta scucha basta feedback poco negativo di e comportacion di e grupo di bishitante aki recientemente – cual a bira un grupo cu a enfoca duro ultimo tempo pa nan bin nos isla.

Ronella ta splica nos cu e demanda y forsa di e marca Aruba ta hopi sano ainda, y esey ta haci’e un reto di luho pa nos isla. ‘E ta kisas bo por bisa, cu nos ta victima di nos mesun exito.’

Ora ta papia riba si Aruba a yega su limite den turismo, esaki t’un discusion hopi amplio segun Ronella, agregando cu ‘Nos ta para pa un crecemento modera.’

Djis Pa Informa ta presenta pa Awemainta: E diferencia den Noticia.