One Heavy Island, pero no den e style cu bo ta pensa. Y no quote nos riba esey – e ta algo cu nos a tende pa prome biaha for di un profesional cu a tende esaki for di otro expertonan y/of profesionalnan den veld, algo cu a bini dilanti caba dus como un preocupacion. Edwin Roos, director di Wit Gele Kruis a bisa nos cu pa basta tempo caba Aruba ta consciente di ta bayendo den direccion di bira un ‘One Heavy Island’ cu problema grandi di sobrepeso y obesidad.
Un di e efectonan di nos birando un One Heavy Island ta cu bo ta mira e aumento di e malesa sucu, pero sucu den general bo ta haya den hopi producto tambe. Anto ora bo mira con nos ta biba awendia, hopi hende ta traha tin biaha dos trabao of mas sin tin tempo pa cushina. “Antes tabata pasa normal y awor no tin tempo p’e, famianan a bira mas chikito, bo no por cay bek riba bo abuelonan pa cuida bo yiunan y duna nan un bon cuminda,’ Edwin ta bisa.
Dus nos ta pidi boshi take-out, cuminda pre-prepara, y mayoria di biaha e estilo di come aki no ta esun di mas saludabel – causando problema p’e curpa na largo plaso.
One Heavy Island; mester baha man riba pastechi enzo?
Wel, sigur cu come cosnan mas saludabel ta semper bon specialmente si bo ta bay dicidi di come mainta trempan, cosnan vet tur ora ta bay trece su consecuencianan. Y banda di esey, pa come saludabel TA HOPI F*CKING CARO MES riba Aruba – aunke cu toch un combo na bo luga faborito di porkeria no ta dje barata ey mas tampoco, pero ja. Bida.
Nan ta bisa pa nos come mas saludabel, pero e circumstancianan rond di nos hopi biaha por haci esaki dificil. Pero no preocupa. E no ta imposibel pa tene un dieta bon balansa, cu bon movecion regular – por ehempel bo no mester biba den gym, pero bo por percura pa bo cana un tiki tur dia. Tin hopi cos cu nos por haci riba nos mes sin depende di gobierno of instancianan pasobra pa gran mayoria, bo lo keda warda pa semper pa ayudo si bo no cuminsa na yuda bo mes na unda cu bo por.
Djis Pa Informa ta presenta pa Awemainta: E diferencia den Noticia.
Comunidad mester keda critico riba calidad di producto den supermercado
~ June 22, 2026
Prijs ta un cos — pero ora ta trata calidad di producto, esey ta ful un otro cos. Dus bendemento di cosnan bieu, cu fecha…
Violencia y criminalidad tin nos hubentud domina na Aruba?
~ June 28, 2026
Ultimo tempo si bo mira bon, ta masha hopi hoben mes ta hayando nan mes den problema cu husticia. Violencia y criminalidad ta algo mundial,…
No por critica Aruba den no tin suficiente ayudo pa mucha cu Autismo
~ June 15, 2026
Natasha Richardson, kende ta mama di Amanda Britten, a splica nos cu e no ta sinti cu por culpa Aruba pa no tin suficiente ayudo…