Despues di mas o menos tres luna di trabao, Stichting Monumentenfonds Aruba a logra termina e mantencion di California Lighthouse, pero loke a sorprende nos mas tabata con bon e directora ta cana cu hilchi riba diferente tipo di tereno.
California Lighthouse ta un area cu awor ta hopi popular cu nos turistanan – y nan sigur tabata hopi contento di por a yega mira un California Lighthouse ful refresca.
Stichting Monumentenfonds ta sigui cu e bon trabao!
Claro cu pa subi bay ariba ta keda na cada ken su preferencia y stabilidad di rudia – pero sigur por bisa cu e trabao a keda hopi bunita. Director di Stichting Monumentenfonds Aruba, Anne Witsenburg a conta nos cu e reto di mas grandi ta e altura di e lighthouse.
“E ta 36 meter halto, cu 117 steps. Bo no por djis manda un hende verf e for di pafo.” Dus si bo a pasa eybanda ora cu nan tabata traha riba dje lo bo por a tuma nota di e stelage basta grandi cu mester a traha pa por verf e cos ki. “E ta hopi complica pero tambe hopi caro. P’esey nos ta spaar pa haci mantencion tur aña y aworaki despues di 10 aña nos a haci un mantencion grandi.”
Djis Pa Informa ta presenta pa AweMainta, e Diferencia den Noticia!
Newsletter form
Di Tik Tok pa hospital: Ken ta interveni prome cu ta hopi laat?
~ October 18, 2026
Loke a cuminsa cu menasa y provocacion riba rednan social entre algun hoben, segun un mama ta conta nos, despues di algun tipo di desacuerdo…
Aruba por progresa hopi cu creatividad y arte | UNSHOW EP. 15
~ October 16, 2026
Abogado, Desiree Croes, ta un persona hopi serio, pero tambe hopi creativo. Ex parlamentario, politico, pero e ta un persona cu gusta crea. Creatividad: Un…
‘Tene cuidao den tuma cos pa baha peso sin bon guia’
~ October 14, 2026
Ultimo tempo tin un trend andando di hendenan cu ta mustra comosifuera cu algo a chupa nan seco despues di uza cosnan pa baha peso….