CHANGÁ ta un pelicula cu ta mustra bida Caribense na Hulanda

E productornan di e pelicula CHANGÁ a pasa Djis Pa Hari Radio Variety Show na Wavez FM pa asina papia un poco tocante esaki y su screening na Cas di Cultura.

Bou di e iniciativo di Francio Guadeloupe, Changá (ofwel Dubbelspel) ta un pelicula antropologico cu ta sigui bida di Antianonan y Arubanonan na Hulanda y lo wordo estrena cu un screening na Cas di Cultura na Januari sigui pa un conversacion cu Francio Guadeloupe y un di e protagonista.

A traves di e filosofia di domino, e pelicula ta mustra con hende ta reacciona na loke bida ta duna nan, con nan ta move den loke ta posibel y con nan ta tuma iniciativa pa sigui dilanti.

CHANGÁ ta sigui varios protagonista musical, manera:

Juny Martina
Amy Miyú
Ray Fuego
Michael Lampe
Riwensley Hansen

Nan historia ta conecta tres generación di Caribenses na Hulanda – di e migracion di aña 50 te e hoben generacion di awe.

Bo tambe kier wak Changá? Sign up via e link aki: https://tinyurl.com/msbwcyxe
Diaranson 21 di januari 2026 e film lo screen na Cas di Cultura, 6:30pm, entrada ta gratis.