Segun ATHA : Mester cuminsa siña scucha y compronde nos hubentud mas miho

Kico ta pasando cu nos hubentud awendia? Recientemente nos a haya bishita di ATHA (Asociacion Trabao di Hubentud na Aruba) kende ta encarga cu diferente proyecto dirigi na bienestar y desaroyo di nos hobennan.

Un di e proyectonan di mas popular di nan ta Poder di Hubentud, y nan tin varios miembro cu ta sostene otro den diferente trabaonan pa nos hobennan.

Director, Franchesca Heinze a bin papia cu nos riba DPH Radio Variety Show na Wavez Studios pa asina nos toca diferente aspecto di e tema aki; pa kico entre otro nos hobennan parce di no tin mucho interes awendia den join programanan social of comunitario, y hopi otro punto interesante den loke ta desaroyo di nos generacionnan aki na Aruba.