Desaroyo personal: Dos dama a papia di Stichting JA IK ARUBA

Ora ta trata desaroyo personal, e no ta facil – pero fortunadamente bo no mester cana e caminda ful bo so.

Stichting Ja Ik Aruba tin un tempo caba ta haci cosnan great pa nos comunidad, specialmente pa nos hobennan adulto cu sea no a caba scol, ta buscando trabao of insigur riba cua caminda nan sigui cana den buskeda di guia.

E stichting ta ofrece diferente programa unda cu entre otro ta yuda e hoben pa prepara su mes pa haya trabao;

Nan ta haci diferente bishita na companianan pa nan por mira tambe kico tur ta pasa na pia di trabao den cierto industria riba nos isla.

E biaha aki nos a ricibi bishita for di dos dama cu a participa den e stichting su programa recien y kende a pasa den diferente cambio. Nan a bin cerca nos na Wavez FM studio durante Djis Pa Hari Radio Variety Show, nos morning show di mainta.

Uno ta conta nos cu na prome e tabata tin hopi duda pa join algo asina, y despues esaki a habri su wowo por completo.

E otro ta bisa di ta hopi contento cu el a join, pasobra el a haya direccion den su bida.

Check e entrevista completo y kisas bo tin di manda esaki na un otro cu mester e motivacion, inspiracion, y un empuhe pa bay dilanti.

Nos tur tin e capacidad, y ta iniciativanan manera esaki ta mustra cu nada ta imposibel ora bo habri bo mes pa guia, conocemento, y determinacion pa haci cambio!