Les na Ingles ta duna hoben local hopi interes pa siña na EduCampus

Recientemente EduCampus Aruba tabata tin un bunita evento cu a consisti di diferente actividad y tayer pa un periodo di dos siman cual ta brinda studiante nobo e oportunidad pa conoce e scol y su docentenan/coachnan. Despues di e dos siman di tayer aki cu a pasa, aña escolar nobo a start den bon forma.

EduCampus su style ta ful otro

Nos crew tabata den Caya filmando pa un otro projecto, anto a ripara cu e hobennan tabata bezig cu un Scavenger Hunt. Nos tabata curioso pa sa poco mas di e scol aki, pero tambe con e scol aki ta haci pa loke ta trata e idioma Ingles, mirando cu den general mayoria hoben ta papiando mas Ingles cu nunca aki na Aruba. E ta un scol Mericano, pero esaki no ta stroba e hoben di siña drechi mirando cu e no ta den su idioma natal e ta haya les?

Hopi hoben awendia ta papia puro Ingles manera si ta Mericano mes nan ta. Na EduCampus, cual ta un ‘American Online HighSchool’, e lesnan ta na Ingles, pero e studiantenan ta comunica cu nan docente of coachnan mayoria di biaha na Papiamento mes. Y segun nos a bin ta compronde, esaki ta bayendo hopi bon.

Dus esaki no ta treciendo ningun bruhamento, segun un di e coachnan ta splica nos.

Pa loke ta trata uzo di telefon, e scol no ta traha den un forma tradicional cu klas unda tin diferente mucha ta sinta hunto, e tin un poco mas libertad y flexibilidad. Telefon no ta stroba siñamento y ta algo cu ta wordo trata cu balans n’e scol Americano internacional EduCampus.

Nan ta purba na yuda e hoben balansa su uzo di celular na scol, a pesar cu esaki no tur ora ta algo facil.

Djis Pa Informa ta presenta pa Awemainta: E diferencia den Noticia.