falta di conocemento financiero por hinca bo den problema

Falta di conocemento financiero ta hinca hopi hende den problema cu debe. Esey ta practicamente logico. Pero esaki no ta ful di loke nos ta papiando di dje awor si.

Tin casonan aki na Aruba di hendenan cu ta fia placa, y ta paga asina hopi bek na interes, cu miho nan a keda sin fia nada. Nan ta fia for di diferente compania cu ta fia cen y tin biaha hinca nan den trampa ora di firma contract.

Hopi hende ainda ta cay den diferente trampa tambe manera “boete rente” y yen otro coi loco.

Nos a bishita Max NG di Athena Adviseurs p’e splica nos un poco mas di esaki despues di su video viral riba cobransanan ilegal. E ta un hoben cu ultimo tempo ta bezig cu hopi di e tipo di casonan aki.

Falta di conocemento financiero: Con pa maneha bo cen

Na Aruba tin un falta di conocemento financiero, na scol nan no ta siña nos con pa traha un presupuesto por ehempel, of con pa maneha placa – lo por tin hende of companianan cu ta probecha di esaki?

Djis Pa Informa ta presenta pa Awemainta: E diferencia den Noticia.