Hulanda a exclui islanan Caribense for di conferencia riba fossil fuel

Nos a topa cu e ‘Climate Justice Flotilla’ y combersa cu Paolo Destilo kende a conta nos cu nan a nabega for di Sint Maarten pa Boneiro, Corsou, y e fin di siman cu a pasa nan a yega Aruba. “Nos ta contento di por ta aki pasobra e ta parti di un iniciativa social-civil pa hiba e bosnan di Caribe Hulandes na Santa Martha riba e prome conferencia internacional riba phasing-out fossil fuel.”

Bon cos! Pero awo, ta kico a pasa atrobe cu nan tin di haci esaki di e forma aki, pasobra e islanan Caribense a keda exclui? Con asina?

Exclui for di conferencia riba fossil fuel

“Husticia climatico ta algo hopi importante p’e islanan den general”, segun activista Nigel Maduro. E ta bisa cu si bo mira ful e historia, Hulanda y otro paisnan grandi a causa hopi daño den clima y ta nos islanan chikito t’esunnan sufriendo mas di dje.

E grupo aki ta cuestiona pa kico Hulanda a bolbe exclui e islanan di Caribe for di un conferencia asina unda lo dialoga riba con lo haci transicion for di fossil fuel, papiando den nan nomber, pero sin tin hende cu ta representa nan for di e islanan mes cu por papia riba kico nan ta bibando.

E situacion ta birando spantoso pasobra hasta ta mirando cu Aruba den e caso aki ta birando un di e islanan mas calor den region, na Sint Maarten por mira e efectonan di cambio climatico hopi pisa – y tin mester di tuma accion awo pasobra cosnan ta cambiando rapidamente.

Djis Pa Informa ta presenta pa AweMainta: E diferencia den Noticia.