‘Maneho di tereno pa agricultura na Aruba no ta bon defini’

Ora ta trata maneho di tereno na Aruba – e ta practicamente un joke, sea ta pa tereno comercial of pa vivienda sigur.

Tin ta wardando añanan largo, otronan ta haya privilegio di haya tereno y haci kico cu nan kier, y tin esnan cu ta muri bay sin a ni haya un contacto bisando nan cu no lo haya niun c*ño, tristo toch?

Maneho di tereno pa agricultura: no ta bon defini

Den combersacion cu Daniel Barros di Eco Living Aruba, e ta conta nos cu e tin basta aña cu el a aplica pa su tereno pa agricultura y te dia di awe, niks niks niks. Su pasion ta traha cu abeha, pero planta mata tambe.

El a pidi pa tereno na 2017 pa haci agricultura, y tanten el a cuminsa siña con pa traha cu abeha. “Mi a siña hopi, mas di loke a spera – pero te ainda mi ta wardando tereno pa planta mata.”

Den su journey di beekeeping el a bay na traha mas producto pa asina e por haya ganashi, pasobra e honing no ta cos di tur dia, e ta di temporada.

No tur tereno ta mescos

Bo por pone un caha di abeha den cunucu, pero sin mata di fruta, e abehanan no lo produci honing. Aruba ta hopi seco. Tin motibo dicon e abehanan ta bay cerca di cas di hende; pasobra tin awa, flor y diferente mata.

Pa haya tereno pa pone caha di abeha e lo haci e trabao di beekeeping mes hopi mas facil. “E maneho di tereno no ta bon defini. Mi ta kere mester por haci un update di con nos ta trata cu tereno pa agricultura na Aruba.”

Djis Pa Informa ta presenta pa Awemainta: E diferencia den Noticia.