Marlon Sneek: ‘Nos ta tuma opinion di hoben na serio’

Segun presidente di Parlamento di Aruba, Marlon Sneek, e organo di mas halto di nos pais ta tuma opinion di nos hobennan na serio.

Na comienso di luna di april, e hoben activista Nigel Maduro a pone un post riba su pagina di Facebook cu a hala basta atencion. Den esaki como “April Fools” joke el a describi con porfin instancianan concerni y gobierno ta tumando e na serio.

Anos di Djis Pa Hari sa miho cu tur hende cu cada tras joke, tin un berdad.

For di Europa te Caribe, hende jong a cuminsa vocifera nan mes mas y mas riba topico manera cambio di clima, educacion, anto e futuro cu nan lo hereda. Sinembargo e pregunta ta keda: nan ta berdaderamente wordo tuma na serio, of ta sikiera scucha kico nan tin di bisa?

Globalmente, movementonan inicia pa hende hoben a influencia maneho, pero mesun frecuente tambe nan ta wordo ignora, cual ta causa frustracion y hasta instabilidad, unda ta dal den barera di participacion real, acceso limita, falta di plataforma, anto e sentimento cu nan opinion ta wordo scucha, pero no balora.

Marlon Sneek: Nos ta tuma nan na serio!

E presidente di Parlamento ta bisa nos cu nan ta tuma den consideracion e opinion di nos hobennan.
A pesar cu hopi hoben ta reclama cu parce esaki no ta e caso – pasobra gobierno ta tuma decisionnan cu nan ta tuma sin mester tene nada otro den consideracion, sigur no opinion di un profesional mas hoben.

Dus kico e ta? Un sistema cu ta scucha of ta gaña aparenta cu nan ta scucha? Y mas importante, kico ta pasa ora tin un generacion cu lo bay hereda e futuro pero nan ta sinti cu nan ta wordo laga afo di form’e?

Wel, Cu tempo, nos lo wak. Djis Pa Informa ta presenta pa AweMainta: E diferencia den noticia!