Ministerio Publico di Aruba a contesta algun pregunta skerpi

Ministerio Publico di Aruba tin un reto hopi granda ultimo tempo den loke ta comunicacion cu pueblo, esey ta nos opinion, dus – pasobra den comunidad ta masha tiki sa kico e trabao di nan ta ful encera, con e proceso hudicial realmente ta cana, y sigur ta con husticia ta funciona legalmente.

Sinembargo, nan ta haciendo nan best ultimo tempo pa informa pueblo mas y mas, comunica cu nos comunidad, pa asina brinda conscientisacion, conocemento, informacion, y splicacion na varios pregunta cu pueblo tin.

Ministerio Publico semper ta habri pa brinda pueblo informacion

Nos tabata tin un entrevista exclusivo cu Ministerio Publico a duna nos algun tempo atras relaciona cu proceso hudicial: Buscando Husticia. Akinan, a papia tambe cu ciudadano Mike Petronia riba su punto di bista di nos sistema hudicial.

Den e entrevista ariba cu Patrick van der Biezen, Fiscal di Husticia, el a bishita nos na DPH Variety Show den studionan di Wavez e siman aki pa papia tocante trafico, nos proceso hudicial, y mas. Bale la pena pa check!