Aruba realmente ta ‘One Happy Island’ of esaki no ta klop mas? E prome consultorio nacional independiente riba futuro di Aruba ta na caminda, y ta algo basta interesante pa forma parti di dje sigur si nos kier forma parti di kico nos kier p’e futuro di nos isla.
Nos ta bisa cu Aruba ta ‘One Happy Island’ pero e pregunta ta: si di berdad nos ta bibando e promesa ey? Of, si esaki awor ta algo cu nos ta bisa, sin cu e tin un base real su tras mas.
Suzette Dumfries, un consehero economico y ‘Nation Builder’ ta organisando e prome consultorio nacional, cu e idea pa sinta cu diferente hende na Aruba y dialoga riba kico ‘One Happy Island’ realmente ta nifica pa nan – con esaki ta traduci na con nos institucionnan ta funciona, ki tipo di resultado nan ta genera, y kico nos tin cu haci p’e futuro ta diferente.
Lo tin diferente sesion, cual lo tuma luga na Universidad di Aruba riba 20, 21, 23 y 25 di mei, 6or di atardi pa 9’or di anochi, cu excepcion di diasabra 23 di mei cual su orario lo bira 10’or di mainta pa 1’or di merdia. Esaki lo costa 95 florin pa persona pa por participa den esaki, mirando cu e ta un proceso independiente, e contribucion aki ta pa por participa den e proceso.
Por tuma contacto cu Suzette pa mas informacion ariba Suzee@suzettedumfries.com of WhatsApp: 740 5430.
Djis Pa Informa ta presenta pa AweMainta: E diferencia den Noticia.
Violencia y criminalidad tin nos hubentud domina na Aruba?
~ June 28, 2026
Ultimo tempo si bo mira bon, ta masha hopi hoben mes ta hayando nan mes den problema cu husticia. Violencia y criminalidad ta algo mundial,…
No por critica Aruba den no tin suficiente ayudo pa mucha cu Autismo
~ June 15, 2026
Natasha Richardson, kende ta mama di Amanda Britten, a splica nos cu e no ta sinti cu por culpa Aruba pa no tin suficiente ayudo…
Gobierno a anuncia algun paso cu a tuma den yuda compensa costo di bida
~ June 10, 2026
No ta tur ora bo lo haya nos na un tipo di conferencia manera esaki pasobra practicamente nos NO ta un medio di comunicacion di…