Problema di pushi riba caya lo por ta mas grandi cu di cacho

Cuanto biaha bo ta topa c’un otro pushi morto riba caya cu auto a dal? Esaki ta algo cu sigur ta pasa cada pasa tanto dia awor, tur siman. Despues di nos raportahe riba e asunto di cacho riba caya y guera entre cunukero y fundacionnan – nos kier a sigui cu un segundo parti pa toca e asunto di pushi riba caya y si esaki lo por hasta ta mas grandi cu esun di cacho. Bo ta kere?

Cunukero Jair Britten a señala un otro aspecto di e problema aki. E ta bisa cu e criamento di pushi cu tin den areanan di hotel, na Malmok, den mondi, tur esaki ta contra ley y ningun hende ta haci nada. “Boso ta creando e problemanan cu boso mes ta keha riba dje di nos naturalesa.”

E cunukero a bisa cu ningun instancia of departamento encarga cu naturalesa ta haci algo riba esaki. Nos a purba tuma contacto cu DNM (Departamento di Naturalesa y Medio Ambiente) p’un entrevista riba e tema pero of nan no kier a papia cu nos, of nan no ta lesa nan email, of dios lo sa – pero nos ta spera di lo por haya un reaccion di nan pronto.

E pregunta hopi biaha ta bin dilanti si e tipo di fundacionnan cu ta trata cu cacho y pushi ta eigenlijk haciendo algo di berdad of ta simplemente recauda hopi placa cu ta duna nan e chens di probecha pa biba luhoso y biaha rond mundo –

Con cu bay bin, segun Geraldine, e cos mester bini na tur hende sintando hunto na mesa pa bini na un solucion enbes di ataca otro riba rednan social pasobra e bay bin ey sigur ta yuda cu nada.

Scuchando tur banda di e medaya nos ta conclui cu ainda falta hopi pa haci den educa nos hendenan y mas cu tur cos, pa tin bon comunicacion y comprendimento pa asina por cuminsa bini cu solucion hunto, na bienestar di e bestianan y nos comunidad.

Djis Pa Informa ta presenta pa AweMainta: E diferencia den Noticia.