E contesta? Si. Pueblo ta perdiendo confiansa den palabra bunita di politico, pa gran mayoria, y pa algun tempo caba. Nos por lag’e te eynan tambe. Pero ta bale la pena toca e tema un poco toch, mirando tur loke ta tumando luga na Aruba ultimo tempo.
Pueblo ta basta fada, e ta bisto…
Den fin di siman, diasabra atardi, a tuma luga e manifestacion pasivo pa seguridad di trafico. A entrega manifiesto hunto cu mas di shete mil firma acumula di pueblo pa haci cambio den ley di trafico.
Pueblo sinembargo no a sali masalmente – esaki por tin di haber cu diferente factor; hendenan cu no por a bini pasobra mester a traha of cualkier otro compromiso, pero tambe e confiansa cu pueblo ta perdiendo den politico su palabranan bunita, sin solucionnan real.
Esey ta loke mas ta hala bo atencion: hende no kier show up n’e cosnan aki pasobra nan ta cansa di scucha e mesun retorica di semper. Sin accion real.
Awor tin un iniciativa di ley, dus cosnan por cuminsa cana relativamente rapido pa loke ta cambionan den nos leynan di trafico, segun presidente di parlamento esaki por tuma luga den menos di un luna.
Di esey nos lo wak con sigur e ta di berdad, pasobra loke si por constata cu ta algo sigur aworaki ta cu hende seguramente a cansa di palabra bunita, e pueblo kier mira accion, ehecucion. Pueblo kier mira movecion.
Djis Pa Informa ta presenta pa Awemainta: E diferencia den noticia.
Segun Minister: Grupo di studiante bayendo Hulanda e aña ‘ki ta ‘hopi chill’
~ August 6, 2026
E grupo di studiante cu a sali bay Hulanda diaranson ta mustra di ta cla p’e reto nobo y tambe di ta ‘hopi chill’ segun…
‘Kico lo haci pa esnan inocente ora cu autoridad drenta nan hogar?’
~ August 7, 2026
Awor ta parce cu na Aruba hasta autoridad mag haci kico cu nan kier, aparentemente. Dicon nos ta bisa esey? E siman cu a pasa…
‘Plan pa bario nobo na Burubundu tin hopi contradiccion’
~ July 26, 2026
Atrobe, naturalesa di Aruba por ta den problema pa motibo di desaroyo totalos, cu plan p’un bario nobo na Burubundu cu ta sin pia y…