Vincent Smit, di e organisacion 1Almere na Hulanda, recientemente tabata na Aruba unda cu el a duna un tremendo charla durante RAPP (Red Arubiano Di Prensa Profesional) su di dos seminario.
1Almere ta un organisacion di media/periodismo cu ta consisti di diescuater periodista. Vincent a bin pa papia tocante interaccion publico cu medionan local di comunicacion. Con conecta nos medionan di comunicacion realmente ta cu nos comunidad? Con nos por establece confiansa? Con medionan di comunicacion por no solamente informa pero tambe fortalece, y educa nos comunidad, ta topiconan cu a discuti durante e charla aki. Basta leuk toch.
Nos a tuma e oportunidad di combersa cu Vincent tocante e tema aki den un entrevista anterior cu bo por mira AKI, pero nos a puntr’e tambe tocante sensacionalismo den prensa, y con pa anda cu esaki.
Na Aruba por ehempel por nota un tendencia caminda cu hende parce di no ta tuma medionan di comunicacion na serio. Otronan kisas por bisa hasta cu no tin muchu confiansa – di tanto fout cu nan ta haci tin biaha bo no sa kico pa kere mesora, bo tin di sinta warda un rato cu tur cos ta verifica. E conexion no echt t’ey den sentido cu nos no ta parce di ta un comunidad cu kier ta informa, pasobra deep down nos ta sinti cu nos plataformanan di noticia pa gran mayoria ta un joke.
“Lo mester puntra e audiencia pa kico esaki ta asina. Si pueblo ta sinti desconecta cu e media local”, Vincent a bisa.
Esaki ta cambiando si, poco poco pero sigur. E seriedad ta creciendo, e profesionalismo tambe – aunke tin di bisa cu ta haci falta mas iniciativa di nos hobennan pa pone di nan mesun parti pa hiba nos periodismo na un otro nivel, no por laga esaki n’e bieunan. E bieunan a haci loke nan tabata por caba, algun ainda haciendo nan best.
Pero e generacion nobo mester gara e timon y manda e cos ey te paden aya (no sa si esey tin sentido pero nos ta kere bo ta compronde) pa asina nos bay hisa nos nivel, calidad, presencia, y pa nos briya den tur loke nos ta haci.
Sensacionalismo lo keda un cos cu ta ‘bende’ pero pueblo ta buscando algo cu hopi mas contenido awendia. Nos kier storianan. Nos kier ta bon informa, cu reportahenan balansa y bon hinca den otro. E ta bayendo. Poco poco, pero sigur.
DJIS PA INFORMA ta un segmento presenta pa AweMainta: E diferencia den noticia.
Di Tik Tok pa hospital: Ken ta interveni prome cu ta hopi laat?
~ October 18, 2026
Loke a cuminsa cu menasa y provocacion riba rednan social entre algun hoben, segun un mama ta conta nos, despues di algun tipo di desacuerdo…
Aruba por progresa hopi cu creatividad y arte | UNSHOW EP. 15
~ October 16, 2026
Abogado, Desiree Croes, ta un persona hopi serio, pero tambe hopi creativo. Ex parlamentario, politico, pero e ta un persona cu gusta crea. Creatividad: Un…
‘Tene cuidao den tuma cos pa baha peso sin bon guia’
~ October 14, 2026
Ultimo tempo tin un trend andando di hendenan cu ta mustra comosifuera cu algo a chupa nan seco despues di uza cosnan pa baha peso….