Aworaki e hobennan na San Nicolas tin algo mas pa por haci despues di scol, algo productivo y positivo net na Santa Teresita mes cerca Heart Centered Leadership Foundation. Esaki ta un studio habri pa tur hoben, di tur districto, pa por forma parti di tayernan riba media manera filmacion of editing, como tambe forma parti di un programa di podcast cu lo wordo graba eynan.
Diaranson nan a haci apertura di dje hunto cu presencia di minister di Educacion (kende nos tabata tin poco gana di puntra tocante e drama di jet priva pero a dicidi di lag’e pa otro ocasion) y mas partners, tabata great pa mira e inicio di algo cu sigur tin potencial di crece bira mas grandi y ofrece hopi na nos hobennan.
Vox Impact Studio lo yuda inspira y crea!
E siman aki nan a lansa Vox Impact Studio, cual ta un area chikito cu e fundacion a converti den un studio unda e hobennan lo por uza pa graba nan episodionan di podcast.
“E interes t’ey – nos ta wak e hobennan kier bira YouTube stars y cosnan asina dus nos lo kier move mas den e direccion digital”, segun Keyla Rojas, Program Manager di Heart Centered Leadership Foundation.
Dus akinan lo tin un chens p’e hobennan crece den inspiracion pa loke ta e mundo di media, y nos mes a duna un man den esaki un tempo atras. Stichting DPH Mediaverse a duna dos dia di curso n’e hobennan di Heart Centered pa yuda nan setup e podcast, y awor Voc Impact Studio ta cla pa ranca sali cu nan propio programanan.
E tabata un tremendo experiencia pa nos mes tambe aporta den pasa nos conocemento n’e siguiente generacion, y pa mira nan awo sigui crea nan propio vision, zuiver!
Djis Pa Informa ta presenta pa AweMainta: E diferencia den Noticia.
‘Kico lo haci pa esnan inocente ora cu autoridad drenta nan hogar?’
~ August 7, 2026
Awor ta parce cu na Aruba hasta autoridad mag haci kico cu nan kier, aparentemente. Dicon nos ta bisa esey? E siman cu a pasa…
‘Plan pa bario nobo na Burubundu tin hopi contradiccion’
~ July 26, 2026
Atrobe, naturalesa di Aruba por ta den problema pa motibo di desaroyo totalos, cu plan p’un bario nobo na Burubundu cu ta sin pia y…
Coach Ferdinant ta cla pa sigui contribui na eleva Aruba su futbol cu hopi pasion
~ July 30, 2026
Aruba su futbol ta den bon man, y awor mas cu nunca mirando con e siguiente generacion ta ‘stepping up’ den yuda contribui na eleva…