Algo special a tuma luga na Wind Creek poco tempo ey! Abo sa cu tin un programa pa hoben y hoben adulto cu ta encera Job Matching? Esaki ta un programa cu ta guia e hoben pa siña mehora etica laboral y tuma responsabilidad pa su mes. E programa aki ta organisa pa Stichting JA IK ARUBA.
E programa di Job Matching aki ta ta un iniciativa di Stichting JA IK Aruba den colaboracion cu DAS (Departamento di Asunto Social) y DPL (Departamento di Progreso Laboral) cu a cuminsa na luna di september 2025, unda cu grupo di hoben cu ta buscando trabao, cu no a caba scol, ta haya un otro oportunidad.
Wind Creek ta un bon ehempel pa otro compania!
Algun di e participantenan na inicio no tabata ful den dje, pero aworaki despues di dos luna di training intensivo cu nan, coaching y guia, Jalken ta bisa cu e ta nota un cambio grandi den nan.
E programa ta encera diferente actividad unda ta siña abilidadnan cu ta pone bo no solamente haya un trabao, pero pa mantene e trabao tambe. E cabes tras di esaki, Jalken Antonia, no ta un persona cu ta primiti di lo haci magia, pero e ta mas bien un profesional den su ramo di Business Coaching y hopi mas.
Recientemente tin un grupo di damas cu Stichting JA IK Aruba ta bezig cu ne, unda ta hibando nan diferente compania pa siña mas riba con cos ta draai n’e companianan aki.
“Si bo por planta un simiya den hende cu ta pone nan sinti cu tin speransa, si bo por yuda, kico cu bo haci ta importante – nos tur tin mester motivacion,” segun Jennesy Donata, kende a conta su storia n’e damas riba con hopi duro el a pasa aden y awe e ta HR Business Partner na Wind Creek.
Djis Pa Informa ta un segmento presenta pa AweMainta: E diferencia den noticia!
Di Tik Tok pa hospital: Ken ta interveni prome cu ta hopi laat?
~ October 18, 2026
Loke a cuminsa cu menasa y provocacion riba rednan social entre algun hoben, segun un mama ta conta nos, despues di algun tipo di desacuerdo…
Aruba por progresa hopi cu creatividad y arte | UNSHOW EP. 15
~ October 16, 2026
Abogado, Desiree Croes, ta un persona hopi serio, pero tambe hopi creativo. Ex parlamentario, politico, pero e ta un persona cu gusta crea. Creatividad: Un…
‘Tene cuidao den tuma cos pa baha peso sin bon guia’
~ October 14, 2026
Ultimo tempo tin un trend andando di hendenan cu ta mustra comosifuera cu algo a chupa nan seco despues di uza cosnan pa baha peso….