Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Participa den Departamento di Asunto Social su encuesta pa satisfaccion di cliente
~ March 17, 2026
Na cualkier compania of organisacion mundialmente, servicio na cliente ta esencial pa semper tin mehoracion di dje. Esaki ta conta tambe den e caso aki…
Exposicion ‘Marooning Practices’ lo tuma luga diabierna na San Nicolas
~ March 11, 2026
Exposicion Marooning Practices ta un exposicion di arte tumando luga e fin di siman aki na San Nicolas presenta pa Art Rap Foundation, un culminacion…
Ta bon idea cera beach na Aruba un biaha pa luna?
~ March 9, 2026
Nos a bay rond, Djis Pa Curiosidad y puntra algun hende na beach kico nan ta pensa di e idea pa cera beach na Aruba…