Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Con hopi bo sa tocante historia di sclavitud na Aruba?
~ March 5, 2026
Pa loke ta e historia di sclavitud na Aruba, tin hende ta kere cu Aruba no a hunga un rol asina grandi den esaki, otronan…
Docente a lansa plataforma digital ‘Wiskunde Aruba’
~ March 2, 2026
Docente, Leandra Dijkhoff a caba di hiba Aruba sikiera algun aña mas dilanti cu lansamento di su plataforma digital Wiskunde Aruba, cual ta wiskundearuba.com. Danki…
Aruba’s Art Impact: The Documentary
~ February 26, 2026
Aruba’s art impact is developing, leading the way for many interesting developments. As the island strengthens its Orange Economy (Creative Economy), the creative sector is…