Docente a lansa plataforma digital ‘Wiskunde Aruba’

Docente, Leandra Dijkhoff a caba di hiba Aruba sikiera algun aña mas dilanti cu lansamento di su plataforma digital Wiskunde Aruba, cual ta wiskundearuba.com. Danki Juff Leandra, pasobra Aruba ta haci falta di e tipo di inovacionnan aki sigur sigur!

Wiskunde Aruba ta un plataforma di les online di Wiskunde, unda cu studiantenan por sigui un curso segun su leerjaar den un manera moderno cu videonan online, hopi master!

Wiskunde Aruba: algo inovativo pa nos isla

Leandra tabata haciendo su estudio pa bira docente di matematica, y mester a traha un proyecto. E tabata dunando les na San Antonio, anto el a ripara cu e muchanan di otro scol cu a siña matematica na Papiamento a score hopi mas halto. Akinan e idea a cuminsa crece, y ta yegando unda cu e kier p’e yega: unda cu muchanan por studia na cas, cu material na Papiamento.

Con bo ta uza e plataforma?

E idea ta pa registra via email personal, y di aki ta scohe Leerjaar y klas cu nan ta den dje. Ora nan haci compra di miembresia, nan ta haya acceso na tur material. Bo ta haya bo bukinan y tur splicacion den Papiamento. “Den futuro lo tin material pa practica tambe.” Ta invita comunidad pa tira un bista riba e website y asina por mira kico tur esaki tin y con e ta hinca den otro.

Leandra ta gradici Denzo Designs p’e creacion di su website cual a keda super zuiver, como tambe su ruman muhe Casandra Dijkhoff cu su compania Visual Island kende a yuda cu tur material di video y lo ta encarga cu mercadeo p’e plataforma.

Djis Pa Informa ta presenta pa Awemainta: E diferencia den Noticia