Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Participa y gana cu campaña nobo di Digital View!
~ January 22, 2026
Digital View ta un compania cu ta brinda e miho digital marketing ariba e isla cu nan variedad di digital billboards cu ta ful rond…
Dicon polis ta nenga di tuma denuncia den caso di Hit & Run?
~ January 20, 2026
Aña 2026 a bin ta start cu un cos straño tras di otro – y nos cu ta un pagina satirico, pa promove alegria mastanto,…
CHANGÁ ta un pelicula cu ta mustra bida Caribense na Hulanda
~ January 20, 2026
E productornan di e pelicula CHANGÁ a pasa Djis Pa Hari Radio Variety Show na Wavez FM pa asina papia un poco tocante esaki y…