Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Hit & Run na Aruba: Pueblo ta firma pa aumenta castigo
~ January 19, 2026
Hit & Run na Aruba = WTF ta pasando? Si, Djis Pa Hari ta un pagina satirico pero nos tin diferente segmento manera Djis Pa…
Wind Creek Aruba lo ta ‘Mas Cerca di Bo’ cu nan Job Fair na Paradera otro siman
~ January 17, 2026
Trabao tin, trahado mester! Wind Creek Aruba a pasa cerca nos na Djis Pa Hari Variety Show riba Wavez pa asina combersa tocante e tremendo…
E abusador cu nos no ta nombra: Abuso financiero door di hende muhe
~ January 9, 2026
Abuso financiero ta un di e formanan di daño menos reconoci y mas socialmente proteha — specialmente ora e agresor ta un hende muhe. Awe…