Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Princess Casino Aruba ta extende e campaña di Car Raffle te 28 di Februari 2026
~ December 16, 2025
Princess Casino Aruba, e casino di mas nobo riba Palm Beach strip, ta anuncia cu su Car Raffle di un Hyundai Accent 2026 lo wordo extende….
Kico mester haci pa STOP tanto zundramento den Parlamento di Aruba?
~ November 3, 2025
E organo di mas halto di nos pais democratico, nos Parlamento di Aruba – unda tambe ta e luga cu nan ta grita di mas…
Desiree Croes: ‘Nos ta perdiendo nos isla’
~ December 11, 2025
Nos isla…nos dushi Aruba…nos ta bendiendo of practicamente a bende mas cu mita di dje si – anto loke ta keda resalta ultimo ta cu…