Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Minister Dowers: Ley anticua no necesariamente ta stroba
~ December 6, 2025
Ley anticua, ta stroba nos proceso di husticia? Bon pregunta – cu ta bini hopi dilanti recientemente! Nos a publica un edicion special di nos…
FCVR ta presenta: ‘Mi a Purba’ – E journey di un sobreviviente di abuso
~ December 5, 2025
FCVR – Fundacion Contra Violencia Relacional a bishita nos na Djis Pa Hari Radio Variety Show den studionan di Wavez pa asina comparti cu nos…
Hydra Rock Fest 2025: Mas grandi, mas organisa, y mas candela!
~ December 5, 2025
Hydra Rock Fest 2025 ta cla pa ranca sali diasabra awor 6 di december cu hopi energia, tur banda ta cla pa buta show diasabra…