Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Aruba’s Thanksgiving: The Feast of Saint John & Dera Gay
~ November 27, 2025
Hey people! It’s your mama’s favorite tour guide, Beach Lama, and today on the Sly ’n Snide Tour Guide, we’re talking Aruba’s Thanksgiving: Aruban style….
Grupo di dama a bishita Wind Creek durante programa di ‘Job Matching’
~ November 27, 2025
Algo special a tuma luga na Wind Creek poco tempo ey! Abo sa cu tin un programa pa hoben y hoben adulto cu ta encera…
Gana Placa Cash durante Western Night na Princess Casino diaranson awor
~ November 25, 2025
Princess Casino Aruba ta invita tur hende pa un anochi spectacular cu e tema di Western Party, diaranson awor 26 di November 2025. Un anochi yena cu…